Mere Chehre Ki Do Nishaniya

Maine aksar kismat ko mjse ruthte dekha hai
Maine aksar logo ko mujse chuthte dekha hai
Mai bhagta raha rishto ko bachane ki hod me..
Hisso ke mere dil se logo ko mene khelte dekha hai

Kyu aise pal bar bar samne aate hai ki mai haar jata hu...
Kyu aise manzar bar bar aankho me dikhai de jate hai ki mai toot jata hu...
Kyu paseejta hai ashkh...kyu phoot phoot kr rota nahi....
Kyu mai gala bhar bhar aise ghoot khud pee jata hu..

Mai kaha jaa raha hu ye raste mujhe batate hai...meri manzil nahi...
Meri manzil hai kaha ...iski khabar mujhe khud ko nahi...
Raah chalte aksar theher jata hu
Aisa gumaan hota hai ki vo saath aake haath thamegi
Darr lagta hai piche mud kr dekhne me...hai gumaan hi  sacchai to nahi

Masumiyat khone se kya khushi k pal bhi kho jate hai...
Ya baddapan k saath uske mayane badal jate hai...
Aise aade tedhe sawaal kya bas mere mann me ate hai...
Ya mere jese aur b do teen jeev jantu paye jaate hai...

Log mujse doori bana lete hai  ya mai khud door ho jata hu...
Ye jo rishto k jaal hote hai...mai inhe kyu nahi bun pata hu...
Par kyu dikhau kisiko kamzor hu
Nahi bante mujse rishte
Kyu jatau ki dil se kamzor hu
Nayan ashko se sarabor hu
Khud se ladta hu roz jese zindagi nahi jung ka maidan ho
Badnaseebi ka aalam aisa hai 
Poori ranbhumi me bas aaine hi aaine nazar aate hai
Ek waar karo toh hazar dushman aur khade ho jate hai

Raat k andhere me mai roshini dhndne nikla krta hoon
Na jaane Kyu kaynaath nirantar badhti chali jaati hai
Jab ye andhera mujhe odhne lagta hai
Mooh nochne lagta hai aur Mai asahaye ho kr kuch nahi kar pata hoon
Mai udaas ho kr beth jata hoon
Man me ek aas rehti hai Ki door kahi savera hai...
Kese bhool jata hoon
Ki ye raat ka nahi meri kismat ka andhera hai.

Aksar sannate ko gaur se sunta hoon Mai
Meri dil Ki dhadkane sunai padti hai
Ruk ruk Kr chalti hai pata hai...jese ik pal ko jee uthti hai aur dusre pal tham jati hai
Ek pal ko khushi k ansu mujhe namkeen kar jate hai
Aur dusre hi pal Tera dard ...meetha kar jata hai...
Ye Jo khalipan me tere hi khayal mujhe ghere rehte hai...
Jitne shabd nikalte hai vo tere hi naam me Kyu uljhe rehte hai
Koi hota Kyu nahi samjhne k liye...
Kaha milte hai ye andhero ko mitane wale diye
Na jane aur kitni der mai ujaale ki raah dekhunga
Ujale huye bhi toh..bs itna kahunga
Chubhti hai kalbhuja me sitaro ki roshini ae chand doob ja aaj tabyat udaas hai

Aa jao... ye Jo adhuri yaado Ki rassi mera gala ghot ti jaa rhi hai...
BAs use khol jao...
Phr bhale hi vapas laut Jana...par bs aakhiri baar
Vapas aa jao
Mujhe is mod par akela khada kr kaha chale gaye ho...
Intezaar me
Suraj dhal gaya ...dil b beth gaya...
Chaand falak pr aa kar tham gaya
Kaha chale gaye ho...
Roz sapne me satane aate ho
Aankho k khulte hi kho jate ho
Ye b koi baat hui bhala...
Agar ziddi tum ho toh meri bhi zid hai
Tumne hume bechen krne ki thaani  hai toh kese na kese mujhe bhi apni baat manwani hai...
Ab bhi  sapne me aa kr sataoge
Dekho mai subah uth nahi paunga
Tum nahi manoge na
Saath hi reh lete hai chalo
Mai humesha k liye so jaunga
Phr mat puchna ki kaha chala gaya hoon
Khada krke is mod par akela yoon
Ab mai kabhi vapas nahi laut paunga...

P.S.

Haatho ki lakiro me jaane kitni aur hai chupi kahaniya
Bayan krte krte mit na jaye...mere chehre ki do nishaniya....